علقت الفنانة منى زكي على الهجوم الذي تعرضت له بسبب بوسترات مسلسل تحت الوصاية، التي تم طرحها قبل بدء عرض المسلسل في موسم دراما رمضان 2023.
وقالت منى زكي خلال حوارها مع الإعلامي محمود سعد في برنامج Sold Out: كلنا اجتهدنا وتعبنا في المسلسل فوق التعب العادي وزمايلنا بيشيلوا المعدات من مركب لمركب، وبنقضي 18 ساعة على المركب في البحر ومش بناكل عشان منرجعش ومنتعبش.وتابعت: لما بدأ ينجح المسلسل في أولى حلقاته ابتديت أحس إن ده ربنا بيراضيني، وبالنسبة لي مش مهم أي حاجة تانية حصلت، وأنا الحقيقة مش شايفه إنها صورة قبيحة مش بشوف ولا ست قبيحة في الدنيا والله، كل ست عندها 100 ألف حاجة بتخليها مميزة.