شيرين عبد الوهاب.. تصدرت الفنانة شيرين عبد الوهاب تريند جوجل خلال الساعات القليلة الماضية، وذلك بعد نشوب أزمة بين شقيقها من جانب، وطليقها حسام حبيب من جانب ثاني، وهذا ما دفع الفنان تامر عاشور للإدلاء بتصريحات خاصة بتلك الأزمة.
تعليقات الفنان تامر عاشور على أزمة الفنانة شيرين عبد الوهاب
ونشر الفنان تامر عاشور، عبر صفحته الشخصية على موقع التواصل الاجتماعي للتغريدات القصيرة «أكس» منشورا، أوضح فيه رأيه في أزمة الفنانة شيرين عبد الوهاب.
وقال تامر عاشور: «كل اللي أقدر أقوله في موضوع شيرين عبد الوهاب إن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها إني بحبها وكل الدنيا بتحبها وتحب فنها».واستكمل: «أهل شيرين مظهروش في حياتها آخر سنتين تلاته.. أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل، يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها (أنت بمن حولك)، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة».
وتابع عاشور: «أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها أساس من الصحة، أهل شيرين هم هم أهل شيرين من زمان قوي.. بالعقل».شيرين عبد الوهاب
تفاصيل التسجيلات المسربة لـ حسام حبيب
وفي سياق متصل جاءت التسجيلات الصوتية المسربة للفنان حسام حبيب، كالآتي: «الأغاني خلصانة وزي الفل وتحفة بس هي مش في المود ده من كتر اللي بيتعمل فيها من أهلها، هي مش هتطلع تتكلم عنهم لأنهم أهلها، لكن أنا قررت أتكلم لأن دول مش أهلي ولا يشرفني إنهم يكونوا أهلي، دول ناس ظلموها باعوا السوشيال ميديا بتاعتها متخيل».
فيما أكد حسام حبيب، أنه سيتقدم ببلاغ ضد من وصفه بأنه قام بسرقة التسجيلات من على هاتفه ونشرها دون علمه، حيث حذر من تداول تلك التسجيلات قائلًا: «محتوى الموضوع إن أخوها مضى توكيل بأثر رجعي أنه يتنازل عن السوشيال ميديا بتاعت شيرين بدون علمها، التوكيل ملغي، وده أتقدم به بلاغ رسمي للنائب العام.. وأنا مبقولش كلام مرسل أو اتهامات مش موجودة».