ريما الرحباني تروي ماذا كان يفعل منصور الرحباني ضد فيروز

يبدو أن ريما الرحباني ابنة الأسطورة اللبنانية فيروز لن تصمت بعد اليوم عن حقها وحق والدتها ووالدها عاصي الرحباني، بل بدأت بخوض معارك قانونية لاسترجاع كافة حقوقهم.
ريما هاجمت عمها الراحل منصور الرحباني وتحدّثت عن أفعاله الكثيرة ضد فيروز، كما هاجمت ابن ابن عمّها الذي سيطل على مشرح كازينو لبنان ليغني أغاني فيروز رغم التحذيرات التي وجهتها سابقا للكل دون اي استثناء.

وكتبت مقالًا ننشره كما هو دون أي تعديل:(نُمِيَ إليّ إنّو المينور الرحباني عندو حفلة بِ ١٢ الجاري فا قبلما يِجْري ويكَتّر بالكازينو! بالمطرح اللي مَنَعوا عمومتو فيروز من إنّها تعيد مسرحيّتها إلها “يعيش يعيش”.. يا سبحانك يا رب كوم تو في بيان لي شوز اولاً بنصحك بروغرامك ما يكون ذاتو لأنّو مش حا يقطع ولا بأي شكل يعني من اللي عَزَفتو وتاجرت فيه وتعربَشت عا ضهرو بالكويت وسوّقتلو على انّو رحبانيات عمر! وجع منين لوين رحبانيات عُمَر؟ شو الك فيهن انت هول الرحبانيّات؟ اللي بيسمعك بيفكرك مألّفُن! إستحي عا زِغْرَكْ! والا فكرك تقفّي عا رُباعيات عمر الخيّام مثلاً!! لاء نافخ حالك منيح ومن بَدري آوي! ولك بس ولاه عيب! سُوْْْw كنّا عم نقول من حفلة الكويت بس تشيل الفيروزيات ما بيبقالك إلا خمس قطع فقط لا غير! يعني اونلي فا شوف شو بتحِب تعمل! بتحب تلغي بتحب تمرُق بهالخمس قطع كا برايك خلال حفلة لحدا غيرك عندو شي يقولو أكتر منّك! انت حُرْ! بس اوعك تغلط! فهمت؟حاجتك تجارة ومُتاجرة! وبعدين نقّيلك لَوْن غير الفيروزي! كا إِپلون قطيعة حتّى بهاي أفيش إبداع؟ عا الدعسة بالألوان كمان؟ هلق كا نصيحة بما إنو خمس قطع ما بيعملوا حفلة استعين بجدّك بساعدك اذا بدّك! في عندو الحجارة فيك توزّعا حجرة حجرة! في عندو بصباح الألف التالت! عمول عليها تباديع! معك مجال! التالت والرابع والسابع… قدما بدّك! سوري المشكل مش حافظة عناوين أُخرى تساعدك أكتر بس جدَّك شاغل ٢٣ سنة لوحدو خود من أعمالو إلو اصطفل انت وعمومتك وبيَّك والحلو انّو بِ هيدول فيك تستعملُن بحجّة انّك عم تعرّف الجيل الجديد عليُن! بتزبط معك هيك! وبنفس الوقت بلكي بيكونوا أوفَر حظاً معك من مع جدَّك! عرفت؟ حسب ما لاحظتك بتحب تضرب كذا حجر بفرد مرّة! مع جدك بتنقش! بس معنا هِءْ ماااا بتنقُش! إِيْ انتبه منيح! هول اغاني فيروز اساساً مش لَعمرك فا اوعك بقى تمِد إيدك عليُن.. اي!) 

وتابعت ريما: (لعبتوا بما فيه الكفاية! انّما حذاري ثمّ حذاري تعيدوا اي شي مش إلكُن ولا حتّى لو بدّكن تِدفَعوا ساسيم! مُرتَجع مع الشكر! صروفوُن عا نبوغكُن الخاص وحِلُّوا عن فيروز وعن الأخوين وعن زياد وعن فيلمون وعن كل شي في فيروزيات بالكون! فهمتوا؟ لأن يَلِي هذه الخُطوة، خُطوِة ما بتِعجِبكُن بنوب! والله العظيم حاغة! اخي كلّكُن عالميّين إكسترا! وزحتونا بعالميّة! ورجونا عالميّتكُن بأعمالكُن انتو شو إلكن بغيركُن؟ ها؟ أدبسيس) 

كما تحدّثت ريما عن أفعال عمّها منصور الرحباني تجاه الأسطورة فيروز، وقالت:(ربنا يُمهِل ولا يُهمِل إحفظوها منيح! لمّا منصور كان يحط لفيروز صاحبة هالأعمال عِصِي بالدواليب بكل المطارح وينزل فيها إنذارات بكل حفلة.. ولمّا حاول يوقّف كذا حفلة لفيروز وشَدْ ب إيديه وإجريه وبكل معارفو.. ولمّا رفع دعوى عا فيروز بالشارجة بعدما قبض حصّتو منها (مصاري) وطلب جلبا مخفورة اليدين بحجّة انّو عم تشوّه صح النوم! بعدما كان هوّي المُشوّه الفعلي لمسرحية هالة والملك حينما حوّلا لفيلم النَّكسة سيلينا وإستفرد بالمال بكونترا كان موجود ومُمْضي بين الأخوين وفيروز ونادر الأتاسي وضل يقدفو ويعرقلو تا فَلْ عاصي وبعدما فل عاصي… تاااا عمل اللي براسو وعا اللَسْ! اي اي ما كلو موجود ولمّا انتو يا ولادو تسلبطوا علينا ووقفتوا يعيش يعيش ومنعتوا فيروز تعيد عملها إلها انتو يلللي ما إلكن شي ولا راي حتّى بهالمملكة كلا انّما بالزعرنة والوسخنة تبعيتكُن ولمّا نازلين تشويه بهالأعمال عا الطالع والنازل وتعربُش على ضهر فيروز لأن ما عندكن شي تاني تقولوه ومن سنين ونحنا ساكتين علّ وعسى.. وقام طلع لا علَّ ولا عَسَى… فكركُن كان إنّو رح نضلْ ساكتين!!؟ اي لا غلطانين كتير غلطانين! انتو متّكلين عا سكوت فيروز ونسيانين لا فيّْ دو فيغوز! فرشتولي أرضية كره عند الكل وإشتريتو الإعلاميين بس كلّو ما فادكُن بالعكس انقلب السحر عا الساحر بكبسة زر من إنطلياس الفوقا عا حاسوب متواضع ومن بروفايلي ومنبري الوحيد لأنو الحق مااا بيموت ومهما تأخّر جايي.. وهيّاه وِصِل.. وصار المطر عا الشبابيك إءْ آن الآوان ممنوع المَس بأي عمل من اعمال فيروز نهائياً بتاتاً وولا بأي شكل هيدا الإرث لن يُمس بعد الآن فينيتّو ! ختمناه بالشمع الأحمر! وما رح ينتقل للأجيال اللي جايي الا بصوتا هيّي وبس!! وبصيغتهُن الأصليّة! ومع أصحابُن الأصليّين! غصب عن رقبتكُن! وكلكُن سوى مجموعين إسم فيروز لا بقى تنطقوه نطق! لا بحفلاتكن ولا بسهراتكن ولا بأحاديثكن وحاج متاجرة وبعدنا موجودين! فهمتوا؟ انشهروا عا ضهر حدا تاني نحنا انفلقنا تو ماتش! فيروزيات قال! وجع صحيح! ما شايفة عبدة مال وشهرة أكتر من هيك! عبدة الشيطان مش هيك! شه!! بدُّن وَقْت تا يِسِكْتوا عَلّي الحقيقة شوَيْ وطّي إجِتْ فيْروزْ)